أشعار و قصائد الحلم لشاعرها علي عبدالحسين
الحلم لشاعرها علي عبدالحسين
/ 0
- التفاصيل
- نشر بتاريخ الخميس, 26 كانون2/يناير 2012 17:38
- الزيارات: 125
يا حلم مشنوگ بجـــــــذوع النــــخیل
ما یموت اشما سکن نبض القتیل
یا قتیل الشوگ ربک هَم کریم
لا يذلک هل جرح مهـــما الــیم
الالــم مافـــت صـــخــر جــــــــلـــمودها
وانت راسی او یعترف لک طودها
یا حلم نور او ضوه او مراللیال
وزع النشوه ابدمانا اوهیّج البال
یا حلم کلک غرام اوشوگ للمــحبوب
ممنوع التراجع عن وعدنا او مانتوب
لو ضـــــــربهم بالحــجر والـــدم یسیــل
اشبچ العشره اعله راسی اوما امیل
***
يا حلم مشنوگ بجـــــــذوع النــــخیل
ما یموت اشما سکن نبض القتیل
ما اکف من الحلم هیهات هیهات
لو عله ادروب الولف آفات آفات
یا ولف وسط النظر وسط الفؤاد
ما أمَلک لو اشب واصبـح رماد
یا ولف غایت عمر لتظن تضیع
هذا اعلان العشگ خلوه يــــذيع
خل ارضنا او خل سمانا اتشوفنا
مخلصین الشـــوگ رغم احـــتوفنا
لو اموتن موته وحـــــده اویل خلیـــــل
لو اَشب نار اللضه ابجسمی النحیل
***
يا حلم مشنوگ بجــــــــذوع النخیــــل
ما یموت اشما سکن نبض القتیل
