Back
أنت هنا: آراء و مقالات 
أشعار و قصائد اغاني الفلاحية لشاعرها علي عبدالحسين
أشعار و قصائد اغاني الفلاحية لشاعرها علي عبدالحسين
اغاني الفلاحية لشاعرها علي عبدالحسين
/ 0
- التفاصيل
- نشر بتاريخ الخميس, 26 كانون2/يناير 2012 17:37
- الزيارات: 161
للنخل ..للهور..لاربوع الفلاحية
یشتـــــــاگ القلم واطیر الاغنیه
یشتاگ الصدر واِتحن الـــچلم
لو یحصل وصلکم یطرد الهم
یا نسیم الهــــاب خذنی عل جنح
خل دلیلی اِطیح سجنه اوینشرح
لو اَشوف احباب گلبی او ننجمع
اَنثر الشوباش واعـلگ کل شمع
یا هوه الاحباب احله امن النسیم
لو یهب طاب الجریح او یستقیم
لو اشوف ادیارکم والشـط والمیّـه
الگلب صبّح نوارس والسمه ریّه
***
للنخل ..للهور..لاربوع الفلاحية
یشتـــــــاگ القلم واطیر الاغنیه
یا ارضنا ویا وطن اجدادی
انتم الشعب العظیم امجادی
مله فاضل والشـعر وابیاته
یزله کعبیه العشگ نشواته
الحمــام ایطـیر وایغنـی الگصب
المضیف ایجود من چف العرب
یا هلی العُربان یا خیر الاهـــــل
دوحه طیبه اوبیها کل طیب انفتل
تبقه بیکم غیره حلوه اویعـــــربیه
اونلگه بیکم کل تراث اوکل هویه
***
للنخل ..للهور..لاربوع الفلاحية
یشتـــــــاگ القلم واطیر الاغنیه
